Home

Languages

hostgator domain coupon
  • 3d
  • 3c
  • 3b
  • 3aa
  • realestate ads

vtrust

 

ភ្នំពេញ៖ ស្របពេលតម្រូវការដីធ្លីកំពុងកើនឡើងទាំងតម្លៃ និងទំហំផ្ទៃដី អ្នកជំនាញក្នុងវិស័យនេះបានអះអាងថា នៅទីក្រុងភ្នំពេញត្រូវការដីលំនៅដ្ឋានចំនួន៣៦០០ហិកតាបន្ថែមទៀត គិតត្រឹមឆ្នាំ២០៣០ខាងមុខ។

លោកង៉ែត ជូអ្នកជំនាញផ្នែកសេដ្ឋកិច្ច និងអចលនទ្រព្យបានថ្លែងលើកឡើងកាលពីសប្តាហ៍មុនថា ចូរវិនិវិយោគប្រកបដោយចក្ខុវិស័យ ត្រឹមឆ្នាំ២០៣០ ក្រុងភ្នំពេញមានតំរូវការដីសំរាប់លំនៅដ្ឋានដ៏ធំរហូតដល់ប្រមាណ៣៦០០ហិកតា ឬស្មើនឹងជាង២៤ដងនៃផ្ទៃដីបឹងកក់ទាំងមូល។ លោកបន្តថា “តាមការវិភាគលើទិន្នន័យ នៃតំរូវការលំនៅដ្ឋាននៅក្រុងភ្នំពេញ ខ្ញុំអាចព្យាករណ៍ថា ក្នុង១ឆ្នាំៗមានតំរូវការដីសំរាប់លំនៅដ្ឋានប្រមាណ៣០០ហិកតា ឬស្មើនឹងជាង២ដងនៃផ្ទៃបឹងកក់ទាំងមូល”។

លោកបន្តថា ការអះអាងនេះដោយផ្អែកលើមូលដ្ឋានមួយចំនួន ដូចជាទី១ ជាមធ្យមក្នុង១ឆ្នាំៗ ប្រជាជនក្រុងភ្នំពេញត្រូវការផ្ទះចំនួនប្រមាណ២ម៉ឺន។ បើផ្ទះ១ល្វែងត្រូវការផ្ទៃដីប្រហែល១០០ ម៉ែត្រការ៉េ នោះនឹងមានតំរូវការដីប្រមាណ២០០ហិកតា ប៉ុន្តែក៏ត្រូវគិតគូរពីដីសំរាប់ធ្វើផ្លូវ សួន សាលារៀន និងផ្សារផងដែរ ដូច្នេះនឹងត្រូវការដីបន្ថែមប្រមាណ១០០ហិកតាទៀត។ ជារួមក្នុង១ឆ្នាំៗភ្នំពេញត្រូវការប្រមាណ៣០០ហិកតា សំរាប់សង់លំនៅដ្ឋាន។

មូលដ្ឋានទី២ ផ្ទៃដីបឹងកក់ទាំងមូល មានទំហំប្រមាណ១៣៣ហិកតា ដូច្នេះតំរូវការដីប្រមាណ៣០០ហិកតាខាងលើ ស្មើនឹងជាង២ដងនៃផ្ទៃដីបឹងកក់ទាំងមូល ។ទី៣បើ១ឆ្នាំៗ មានតំរូវការដីសំរាប់លំនៅដ្ឋានប្រហែលជាង២ដង នៃផ្ទៃដីបឹងកក់នោះ ក្នុងរយៈពេល១២ឆ្នាំ​ទៅមុខទៀត (២០១៩-២០៣០) ក្រុងភ្នំពេញនឹងមានតំរូវការដីសំរាប់លំនៅដ្ឋានប្រមាណជាង២៤ដងនៃផ្ទៃបឹងកក់។ នេះជាតំរូវការដ៏ធំ ដែលមិនទាន់គិតពីតំរូវការផ្សេងទៀតដូចជាដីសំរាប់ធ្វើឃ្លាំង រោងចក្រ។ល។

មូលដ្ឋានទី៤ គឺបើយោងតាមតំរូវការខាងលើ បើជាបុគ្គលយើងអាចធ្វើផែនការក្នុងការវិនិយោគដីធ្លីសំរាប់រយៈពេលវែង ដើម្បីចាប់យកឱកាសពីតំរូវការនេះ។ សំរាប់រដ្ឋាភិបាល រដ្ឋាភិបាលគួរមានផែនការមេសំរាប់អភិវឌ្ឍន៍ក្រុង ក្នុងរយៈពេល១០០ឆ្នាំទៅមុខទៀត។ ក្រុងភ្នំពេញសព្វថ្ងៃ ជាការផ្តួចផ្តើមកសាងដោយបារាំងកាលពី១០០ឆ្នាំមុន ដូច្នេះមិនអាចឆ្លើយតបសមស្របតាមតំរូវការ នៃកំណើនប្រជាជននាពេលបច្ចុប្បន្ន និងអនាគតបានទេ៕

Source From : Property Area

 

ភ្នំពេញ៖ និយាយពីខេត្តមានសក្តានុពលសេដ្ឋកិច្ច និងខេត្តអនុស្សាវរីយ៍ច្រើនជាងគេ ក្នុងស្លាបកាអ្នកនិពន្ឋ គេមិនអាចមើលរំលងឬបំភ្លេចចោល​ខេត្តបាត់ដំបងឡើយ ដោយសារខេត្តទឹកដីនៅភូមិភាគពាយ័ព្យប្រទេសនេះ មានសក្តានុពលទាំងផលកសិកម្ម និងល្បឿននៃការ អភិវឌ្ឍន៍យ៉ាងឆាប់រហ័ស។

ខេត្តបាត់ដំបង មានប្រជាជនរស់នៅសរុបជាង១លាននាក់ ធំជាងគេលំដាប់ទី២បន្ទាប់ពីរាជធានីភ្នំពេញ ហើយក្រុងបាត់ដំបងក៏មានសក្តានុពលខ្លាំងផងដែរ ដោយខេត្តនេះមានសំណង់ផ្ទះល្វែង និងបុរីចំនួន១១កន្លែង ច្រើនជាងគេធៀបនឹងបណ្តាខេត្តដទៃទៀត។

លោកវេង ម៉ុងម្ចាស់បុរីរំចេក ស្ថិតនៅភូមិរំចេក សង្កាត់រតនៈ ក្រុងបាត់ដំបងដែលគ្រោងបោះទុន៣០លានដុល្លារវិនិយោគលើលំនៅដ្ឋាន មានលក្ខណៈជាបុរីតំបូងគេបានថ្លែងឲ្យដឹងកាលពីពេលថ្មីៗនេះថា លោកបានចាប់ផ្តើមវិនិយោគបុរីរបស់លោកលើផ្ទៃដីសរុប១៩ហិកតា និងគ្រោងសាងសង់ផ្ទះសរុបចំនួន១៥០០ល្វែង ប៉ុន្តែរហូតមកទល់ពេលនេះ ផ្ទះបានសាងសង់រួចមានចំនួន៤៥០ល្វែង និងបានលក់​អស់ជាង៣០០ល្វែង។លោកបន្តថា តំលៃលំនៅដ្ឋានក្នុងបុរីរបស់លោកបានដាក់តំលៃលក់ចន្លោះពី៣៧០០០ដុល្លារ ដល់៥៧០០០ដុល្លារសម្រាប់ផ្ទះកំពស់មួយជាន់ និងពីរជាន់។

លោកបន្តថា “ប្រសិនជាខេត្តមានការរិកចំរើនលឿន និងលក់ដាច់ដូចបច្ចុប្បន្ន ខ្ញុំគិតថារយៈពេល៤ឆ្នាំទៀត គំរោងទាំងមូលនឹងបញ្ចប់ ដោយរួមបញ្ចូលទាំងផ្សារនិងរោងភាពយន្តដែលអាចដាក់មនុស្សបាន៣០០នាក់”។លោកបន្តដោយសម្តែងសុទិ​ដ្ឋិនិយមថា“ប្រជាជនក្រុងបាត់ដំបងមានជីវភាពប្រហាក់ប្រហែលគ្នា ទាំងក្នុងទីក្រុង និងជនបទ ពិសេសក្រុងបាត់ដំបងមានការរីកចំរើនយ៉ាងលឿន ដោយនៅរាជធានីភ្នំពេញមានអ្វី ក្រុងបាត់ដំបងក៏មានដូចគ្នា ពិសេសផ្នែកធនាគារ”។

លោកវេង ម៉ុងបានបន្តថា ថ្នាក់ដឹកនាំក្រុងបាត់ដំបង បាននិងកំពុងយកចិត្តទុក​ដាក់អភិវឌ្ឍន៍ខេត្តនេះយ៉ាងសកម្ម ដើម្បីទាក់ទាញភ្ញៀវទេសចរណ៍ ក៏ដូចជាដើម្បីអភិវឌ្ឍន៍ទីក្រុងនេះឲ្យមានតែមានការអភិវឌ្ឍ ឈានទៅកម្រិតថ្មីមួយ ដែលលោកជឿជាក់ថា ខេត្តនេះនឹងមានការអភិវឌ្ឍ និងមានសក្តានុពលកាន់តែខ្លាំងបន្ថែមទៀត​នាពេលអនាគត។

អតីតអភិបាលខេត្តបាត់ដំបង លោកចាន់ សុផលបានថ្លែងថា កាលពីពេលថ្មីៗនេះ​រដ្ឋាភិបាលប្រទេសហុងគ្រី បានជួបជាមួយថ្នាក់ដឹកនាំខេត្ត និងក្រសួងទេសចរ​ណ៍ ដើម្បីបង្ហាញពីគោលបំណង និងការរៀបចំផែនការអភិវឌ្ឍន៍វិស័យទេសចរណ៍ ក្នុងខេត្តបាត់ដំបង ដើម្បីទាក់ទាញភ្ញៀវទេសចរណ៍មកទស្សនាខេត្តនេះ កាន់តែច្រើន ដោយបានលើកគំរោងមួយចំនួន​នៅវត្តក្តាំងងារ អភិវឌ្ឍន៍សហគមន៍ទេសចរណ៍នៅវត្តគ ការកែច្នៃសំរាម និងកសាងកំពង់ផែទេសចរណ៍ ហើយគំរោងនេះបានដាក់ស្នើសុំការអនុម័តពីរាជរដ្ឋាភិបាលហើយ។

លោកបន្តថា “ខេត្តបាត់ដំបងបានទទួលភ្ញៀវទេសចរណ៍ច្រើនគួរសម ដោយ​សារខេត្តនេះ មានសក្តានុពលល្អលើវិស័យទេសចរណ៍ ព្រោះខេត្តមានប្រាង្គ​ប្រាសាទ រមណីយដ្ឋានធម្មជាតិ រមណីយដ្ឋានប្រវត្តិសាស្រ្ត និងសក្តានុពលវិស័យកសិកម្ម ដែលយើងអាចរៀបចំជាកសិទេសចរណ៍បាន”។លោកបន្តថា “ក្រៅពី​សក្តានុពលទាំងនេះ ខេត្តបាននិងកំពុងរៀបចំទប់ទឹកនៅទំបន់សាលាតាអន ដើម្បីរក្សាទុកទឹកនៅក្នុងស្ទឹងសង្កែ ឲ្យមានជម្រៅរហូតដល់ជាង៩ម៉ែត្រខួបប្រាំង និងខួប​វស្សាផងដែរ”។

ក្រៅពីវិស័យទេសចរណ៍ បច្ចុប្បន្នការអភិវឌ្ឍវិស័យអចលនទ្រព្យក៏មានកំនើន​គួរឲ្យកត់សំគាល់ផងដែរ ដែលរហូតមកទល់ពេលនេះមានសំណង់បុរី និងផ្ទះល្វែង​ចំនួន១១កន្លែងផងដែរ។ អាជ្ញាធរខេត្តកំពុងសហការជាមួយធនាគារអភិវឌ្ឍន៍អាស៊ី ដើម្បីសាងសង់រោងចក្រកែច្នៃសំរាមខ្នាតតូច ដែលអាចជួយធ្វើឲ្យបរិស្ថានក្នុងខេត្តកាន់តែស្រស់បំព្រងថែមទៀត។

លោកចាន់ សុផលបានបន្តថា ការលក់លំនៅដ្ឋាននៅតាមការដ្ឋានសំណង់ផ្ទះល្វែងនានាមិនសូវទទួលបានជោគជ័យទេនៅឆ្នាំនេះ ដោយសារកតំលៃកសផលរប​ស់ប្រជាពលរដ្ឋមិនសូវល្អ បើតំលៃកសិផលល្អប្រជាជនច្រើនបានមកពីបណ្តាស្រុកនានា មកទិញផ្ទះក្នុងឲ្យកូនរបស់ពួកគេស្នាក់នៅដើម្បីសិក្សារៀនសូត្រផងដែរ។

ក្រុងបាត់ដំបងមានសង្កាត់ចំនួន១០ និងមានប្រជាពលរដ្ឋរស់នៅសរុបចំនួន​១៥៥.០០០នាក់។

លោកឧកញ៉ានួន រិទ្ឋីអគ្គនាយកក្រុមហ៊ុនKhmer Foundation Appraisalបានថ្លែងថា បាត់ដំបងជាខេត្តមានសក្តានុពលមួយ ដែលប្រជាពលរដ្ឋមិនសូវធ្វើចំណាកស្រុកនោះទេ ដោយសារវាជាខេត្តផលិត ដែលប្រជាពលរដ្ឋអាចពឹងផ្អែកលើ​សក្តានុពលកសិកម្មនៅក្នុងខេត្តដោយខ្លួនឯងបាន ហើយបាត់ដំបងជាក៏ជាខេត្តមាន​សក្តានុពលសេដ្ឋកិច្ច ដោយមានច្រកអន្តរជាតិ និងច្រកព្រំដែនទ្វេរភាគីជាច្រើនជាប់​ជាមួយប្រទេសថៃ។

លោកបន្តថា “ខេត្តនេះមានការអភិវឌ្ឍច្រើន ប៉ុន្តែការលក់លំនៅដ្ឋាននៅ​ឆ្នាំនេះ ក៏ស្ថិតក្នុងភាពទ្រឹងដូចនៅរាជធានីភ្នំពេញដែរ ប៉ុន្តែអនាគតរបស់ខេត្តនេះនៅ​តែមានការរីកចំរើនខ្ពស់ ប្រសិនជាគំរោងរៀបចំគំរោងមេទាក់ទងនឹងទេសចរណ៍ ត្រូវបានអនុម័តដោយរដ្ឋាភិបាល”។

តំលៃដីធ្លីក្នុងក្រុងបាត់ដំបង ពិសេ​សតំបន់ពាណិជ្ជកម្មមានតំលៃចន្លោះពី១៥០០ទៅ២៥០០ដុល្លារ និងដីនៅជាយៗក្រុង​និងផ្លូវតូចៗមានតំលៃចន្លោះពី ៥០ទៅ ១០០ដុល្លារក្នុងមួយម៉ែត្រការ៉េ។ នេះបើតាមការឲ្យដឹងពីលោកឧកញ៉ានួន រិទ្ឋី។

លោកឧកញ៉ាភួ ពុយអគ្គនាយកក្រុមហ៊ុនបៃតង និងជាប្រធានសម្ព័ន្ឋសមាគម​សហរោងម៉ាស៊ីនកិនស្រូវកម្ពុជា ដែលបានអភិវឌ្ឍន៍ផ្សារទំនើបកំពស់៦ជាន់នៅទីក្រុងនេះបានថ្លែងថា ដោយសារផ្សារធំៗនៅក្រុងបាត់ដំបងមានចំនួនច្រើន បានធ្វើឲ្យ​ការលក់សម្លៀកបំពាក់ផ្សេងៗមិនសូវជោគជ័យនោះទេ ប៉ុន្តែការលក់បន្លែនៅបរិ​វេណរបស់ផ្សារនេះ មានសកម្មភាព២៤ម៉ោង ដែលបន្លែភាគច្រើនត្រូវបានដឹកមកកាន់រាជធានីភ្នំពេញ ហើយប្រជាកសិករដាំបន្លែពួកគេកំពុងសប្បាយចិត្តនឹងការដាំចុះ ដោយសារបន្លែមានតម្រូវការខ្ពស់។

ទាក់ទងនឹងអចលនទ្រព្យក្នុងខេត្តបាត់ដំបង លោកឧកញ៉ាភួ ពុយបានថ្លែងថា “តំលៃដីនៅក្រុងបាត់ដំបង នៅតំបន់ដែលមានតម្រូវការខ្ពស់ដោយដីសំរាប់​សាងសង់ផ្ទះល្វែងមានតំលៃចន្លោះ៨០០ ទៅ៩០០ដុល្លារក្នុងមួយម៉ែត្រការ៉េ ដែលធ្វើឲ្យតំលៃដីមួយឡូត៍មានចន្លោះពី៣០០០០ដល់១០០ ០០០ដុល្លារអាមេរិក។

លោកបន្តថា“តំលៃដីនៅក្នុងទីក្រុងបាត់ដំបងឆ្នាំនេះ ស្ថិតក្នុងសភាពទ្រឹងធៀ​បនឹងបណ្តាឆ្នាំមុនៗ ប៉ុន្តែសកម្មភាពទិញដីឡូត៍សាងសង់ផ្ទះល្វែងបាន និងកំពុង​កើនឡើង ហើយអ្នកទិញភាគច្រើនគឺទិញសាងសង់ផ្ទះ មិនទិញទុកលក់យកចំណេ​ញដូចបណ្តាឆ្នាំមុននោះទេ”។

ខេត្តបាត់ដំបងក៏ទាក់ទាញចំណាប់អារម្មណ៍ របស់ប្រតិបត្តិករទេសចរណ៍ច្រើនផងដែរ ដោយសារខេត្តមានវត្តមានសណ្ឋាគារពី៣០ទៅ៤០កន្លែង ដែលមួយទ​សវត្សរ៍មុនមានសណ្ឋាគារតែបីបួនកន្លែងប៉ុណ្ណោះ។

លោកហូ វណ្ឌីអគ្គលេខាធិការសម្ព័ន្ឋសមាគមទេសចរណ៍ជាតិកម្ពុជាបានថ្លែងថា ខេត្តបាត់ដំបងមានសក្តានុពលលើវិស័យទេសចរណ៍យ៉ាងខ្លាំង ដោយសារ​មារមណីយដ្ឋានវប្បធ៌ម រមណីយដ្ឋានធម្មជាតិ និងប្រ​វត្តិសាស្រ្តដ៏ទាក់ទាញរបស់ខេត្ត ដែលមានបន្សល់និងរក្សាបាននូវសំណង់សម័យអាណានិគម សំណង់ផ្ទះបុរា​ណច្រើនដែលមានវ័យចំណាស់ច្រើនជាងគេផងដែរ។

លោកបន្តថា “ខេត្តបាត់ដំបងបានទាក់ទាញភ្ញៀវទេសចរណ៍ច្រមុះស្រួចច្រើន

ពួកគេចូលចិត្តមកលំហែរកំសាន្ត និងសិក្សាស្វែងយល់ពីវប្បធ៌មរបស់ខេត្តនេះដែលធ្លាប់គ្របគ្រងដោយបារាំង និងជនជាតិសៀម”។លោកបន្តថា “ដោយសារសក្តានុពល និងការយកចិត្តទុកដាក់ពីការអភិវឌ្ឍរបស់ខេត្ត បានធ្វើឲ្យទឹកដីដែលកវីសរសេរបទចម្រៀងមិនចេះអស់នេះ កាន់តែមានសង្ឃឹម និងស្នាមញញឹម”៕

Source From : Property Area

 

 

ភ្នំពេញ៖ ច្បាប់គ្រប់គ្រងវិស័យសំណង់ ដែលគេរង់ចាំជាយូរមកហើយរំពឹងនឹងទទួ​លបានការអនុម័តនៅចុងឆ្នាំនេះ។ នេះបើតាមលោកសេង ឡូតអ្នកនាំពាក្យក្រសួងរៀបចំដែនដី នគរូបនីយកម្មនិងសំណង់។

លោកបានថ្លែងឲ្យដឹងតាមទូរស័ព្ទនាព្រឹកថ្ងៃទី១២ ឧសភានេះថា ច្បាប់នេះបានបញ្ចូនដល់ក្រុមអ្នកច្បាប់ទីស្តីការគណៈរដ្ឋមន្រ្តី និងអន្តរក្រសួងដើម្បីពិនិត្យនិងសម្រេចហើ​យ។ យើងរំពឹងថាច្បាប់នេះនឹងបញ្ចប់ និងអាចដាក់ឲ្យរដ្ឋសភាជាតិនៃកម្ពុជាអនុម័តនៅចុងឆ្នាំនេះ។នេះជាគោលបំណងរបស់យើង តែការប្រែប្រួលយ៉ាងម៉េចទៀត យើងមិនទាន់ដឹងនៅឡើយទេ។

លោកបន្តថា “គោលដៅនៃច្បាប់នេះ ដើម្បីធ្វើឲ្យការគ្រប់គ្រងវិស័យសំណង់ និងអចលនវត្ថុកម្ពុជាកាន់តែមានសណ្តាប់ធ្នាប់ និងរបៀបរៀបរយ និងធ្វើយ៉ាងណាជំរុញឲ្យ​វិស័យនេះមានការអភិវឌ្ឍប្រកបដោយនិរន្តរភាព”។

ទោះជាយ៉ាងណាលោកសេង ឡូតមិនបញ្ជាក់ឲ្យដឹងលំអិតពីច្បាប់នេះមានប៉ុន្មានជំពូក និងប៉ុន្មានមាត្រានៅឡើយទេ៕

Source From : Property Area

 

 

ភ្នំពេញ៖ មនុស្សគ្រប់គ្នាត្រូវការលំនៅដ្ឋានមួយសម្រាប់ជីវិត ដូចសត្វត្រូវការសំបុកដែរ ប៉ុន្តែលំនៅដ្ឋានក្នុងក្តីស្រម័យរបស់ពួកគេ ជារឿងកាន់តែសំខាន់ ដើម្បីធ្វើយ៉ាងណា  ឲ្យជីវិត​របស់ខ្លួនមានភាពសុខដុមរមនា។

ជាមួយនឹងការសិក្សាពីទីផ្សា និងចំណង់ចំណូលចិត្តរបស់អតិថិជន បុរីប៉េង ហួតបានទទួលការគាំទ្រយ៉ាងខ្លាំងពីអតិថិជន ដែលមានជីវភាពមធ្យមកម្រិតខ្ពស់ក្នុងស្រុក និងអន្តរជាតិ។

អគ្គនាយកបុរីប៉េង ហួតលោកឧកញ៉ាថៃ ម៉េងលីបានថ្លែងឲ្យដឹងក្នុងកិច្ចសម្ភាសន៍ពិសេសមួយកាលពីពេលថ្មីៗនេះថា លោកបានចាប់ផ្តើមវិនិយោគបុរីប៉េង ហួតនៅឆ្នាំ២០០៥ ព្រោះកំឡុងពេលនោះ​នៅកម្ពុជាមិនទាន់មានបុរីស្អាតនៅឡើយទេ មានតែផ្ទះល្វែង និងការសាងសង់វីឡាជាលក្ខណៈឯកជន។ នៅពេលយើងចេញចូលក្រៅប្រទេ​ស​ច្រើន ក៏បានសិក្សាពីការសាងសង់បុរីនៅប្រទេសគេ ហើយយើងក៏បានចាប់ផ្តើមសាងសង់បុរី ប៉េង ហួតជាលើកទី១ នៅតាមបណ្តោយផ្លូវ៥៩៨។

លោកបន្តថា “ការឌីសាញបុរីនេះ ខ្ញុំបានគិតពីសួនបៃតង ដើមឈើធំៗ ដោយផ្ទៃដីប្រមាណ៤៥ភាគរយ នៃបុរីនិមួយៗ ត្រូវបានរៀបចំដាំដើមឈើ និងសួនច្បារ”។លោកបន្តថា “គិតរហូតមកទល់ពេលនេះ មានផ្ទះជិត១០,០០០ខ្នងត្រូវបានលក់ចេញ ហើយទីតាំងនៅតាមបណ្តោយផ្លូវជាតិលេខ១ ជាទីតាំងធំជាងគេដែលមានផ្ទះប្រមាណ៧០០០ ទៅ៨០០០ខ្នងត្រូវបានលក់ចេញ។ ទីតាំងនេះអាចជាទីក្រុងរណបមួយបានហើយ”។

ដោយសារក្រុមហ៊ុនបុរីប៉េង ហួតចង់ធ្វើអ្វីឲ្យប្លែក ធ្វើអ្វីឲ្យល្អសម្រាប់ប្រទេ​សជាតិ ទើបយើងកសាងបុរីនេះឡើងគិតពីបរិស្ថាន សួនបៃតង និងរចនាផ្ទះដែលស្អាតៗជូនអតិថិជនទាំងអស់។ យើងចង់ឲ្យខ្មែរមានមោទនភាពថា ខ្មែរយើង​ក៏អាច​សាងសង់ផ្ទះបានល្អ ដូចប្រទេសផ្សេងៗបានដែរ។

លោកឧកញ៉ាថៃ ម៉េងលីបានបន្តថា “អ្វីដែលយើងផ្តោត គឺអតិថិជនចាប់ពីអ្នកមានជីវភាពមធ្យម រហូតដល់អ្នក​មានជីវភាពលំដាប់ខ្ពស់ ហើយអ្វីដែលជោគជ័យរហូតមកទល់ពេលនេះ ដោយសារក្រុមហ៊ុនបុរីប៉េង ហូត តែងតែធ្វើអ្វីលើសពីការរំពឹងទុករបស់អតិថិជន”។លោកបន្តថា “អ្វីយើងនិយាយគឺធ្វើ ហើយយើងបានធ្វើ និងធ្វើបានស្អាតជាងអ្វីដែលយើងបានសន្យា។ ជាក់ស្តែង​យើ​ងបាននិងកំពុងវិនិយោគ សាងសង់ផ្សារទំនើបមួយនៅបុរីប៉េង ហួតផ្លូវជាតិលេខ១ ព្រោះ​យើងចង់ឲ្យទីក្រុងរណបនេះ មានទាំងលំនៅដ្ឋាន មានទាំងកន្លែងកំសាន្ត ផ្សារទំ​នើប សាលារៀនអន្តរជាតិជាដើម”។     

លោកឧកញ៉ាថៃ ម៉េងលីបានបន្តថា ដោយសារក្រុមហ៊ុនបុរីប៉េង ហួតជាក្រុមហ៊ុនវិនិយោគលើវិស័យអចលនទ្រព្យ ទើបយើងវិនិយោគលើវិស័យលំនៅដ្ឋាន ខុនដូ ផ្សារទំនើប និងវិស័យពាក់ព័ន្ឋនឹងវិស័យ ទាំងអស់ ដើម្បីឆ្លើយតបតម្រូវការទីផ្សារ និងតម្រូវការ​របស់អតិថិជនជាតិ និងអន្តរជាតិ៕   

Source From : Property Area

 

ភ្នំពេញ៖ រដ្ឋាភិបាលកម្ពុជា ចាប់ផ្តើមផ្លាស់ប្តូរប័ណ្ណសម្គាល់កម្មសិទ្ឋអចលនទ្រព្យថ្មី ដើម្បីធ្វើឲ្យការគ្រប់គ្រងអចលនទ្រព្យ កាន់តែមានភាពប្រសើរឡើង និងកាត់បន្ថយបាននូវជម្លោះនានា។

យោងតាមសេចក្តីសម្រេចរបស់ក្រសួងរៀបចំដែនដី នគរូបនីយកម្ម និងសំណង់ និងគណៈរដ្ឋមន្រ្តីចុះថ្ងៃទី៧ ឧសភា ឆ្នាំ២០១៨ ដែលចុះហត្ថលេខាដោយលោកបណ្ឌិតសភាចារ្យហ៊ីង ថូរ៉ាក់ស៊ីរដ្ឋលេខាធិការគណៈរដ្ឋមន្រ្តីបានសម្រេចលើការផ្លាស់ប្តូរទម្រង់ថ្មី នៃប័ណ្ណកម្មសិទ្ឋដីធ្លីនេះ។

យោងតាមកម្មវត្ថុនៃសេចក្តីសម្រេចនេះបានបង្ហាញថា ករណីសុំផ្លាស់ប្តូរទម្រង់ នៃសន្លឹកវិញ្ញាបនបត្រសម្គាល់ម្ចាស់អចលនវត្ថុ សម្រាប់ការចុះបញ្ជីរដីធ្លីមានលក្ខណៈជាប្រព័ន្ឋ។ សេចក្តីសម្រេចបានកំណត់សម្គាល់ចំនួនបី ដូចជា ទី១ ត្រូវបានដកចេញនូវពាក្យវិញ្ញាបនបត្រសម្គាល់ម្ចាស់អចលនវត្ថុ ដែលមានទម្រង់អក្សរតូចៗ ព្រាលៗ នៅលើសន្លឹក​វិញ្ញាបនបត្រមុន ទី២ បានដាក់បញ្ចូលរួបផែនទីនៃព្រះរាជាណាចក្រកម្ពុជា ជាទម្រ​ង់ព្រាលៗ នៅកណ្តាលសន្លឹកវិញ្ញាបនបត្រ និងពាក្យវិញ្ញាបនបត្រសម្គាល់ម្ចាស់អចលនវត្ថុ ដែលមានទម្រង់អក្សរតូចៗ ព្រាលៗ លក្ខណៈជាខ្សែបន្ទាត់កាត់ទទឹងពេញផ្ទៃនៃផែនទី និងពាក្យ AIDOBMAC FO MOBGNIK , King of Cambodia មានទម្រង់អក្សរតូចព្រាលៗ នៅតាមដងទន្លេមេគង្គ និងទី៣ បន្ថែមលេខរៀងវិញ្ញាបនបត្រពី៧ខ្ទង់ ទៅ៨ខ្ទង់វិញ។

អ្នកនាំពាក្យក្រសួងរៀបចំដែនដី នគរូបនីយកម្មនិងសំណង់លោកសេង ឡូតបានថ្លែងថា ក្រសួងសម្រេចផ្លាស់ប្តូរទម្រង់វិញ្ញាបនបត្រសម្គាល់កម្មសិទ្ឋដីធ្លី ដោយសារកន្លងមកយើងបោះពុម្ពសន្លឹកប័ណ្ណនេះនៅប្រទេសអូស្រ្តាលី ប៉ុន្តែបច្ចុប្បន្នយើងមានសមត្ថភាព​បោះពុម្ពប័ណ្ណនេះដោយខ្លួនឯងនៅកម្ពុជា។លោកបន្តថា វាបង្ហាញពីសមត្ថភាពរបស់យើ​ងមានភាពប្រសើរឡើង ក្នុងការគ្រប់គ្រងការងាររបស់យើង ដើម្បីធ្វើឲ្យប្រសើរនូវស្តង់ដា​ការងាររបស់យើង។

លោកបន្តថា “ប័ណ្ណសម្គាល់អចលនវត្ថុថ្មីនេះ មានដាក់បញ្ចូលនូវ QR Codeដែលមានលក្ខណៈពិសេសជាងប័ណ្ណចាស់ ដែលយើងអាចងាយស្រួលឆែកមើលបាន”៕

Source From : Property Area

 

LATEST EXCLUSIVE LISTING

Villa For Sale
Niroth,Meanchey
USD 1,100,000.00
Flat House For Sale
Prek Pra,Meanchey
USD 68,000.00
Flat House For Sale
Dangkao,Dangkao
USD 73,000.00
Flat House For Sale
Boeng Keng Kang III,Chamkarmon
USD 295,000.00
Apartment For Sale
Chrang Chamres 1,Russey Keo
USD 168,000.00

CVEA MEMBERS