Home

Languages

hostgator domain coupon
  • 1a
  • 1b
  • 2a
  • 3a
  • 4a
  • ava 1
  • ava 2
  • ava 4
  • zillennium

  • c21

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 

យោងតាមការទិន្ន័យផ្លូវការរបស់មន្ត្រីរដ្ឋាភិបាលចិន បានបង្ហាញនៅថ្ងៃអង្គារិ៍នេះ ថា ការវិនិយោគលើវិស័យអចលនទ្រព្យ នៅក្នុងប្រទេសចិនបានកើនឡើង១០,ាគរយក្នុងរយៈពេល៤ ខែដំបូងនៃឆ្នាំ២០១៨ បើធៀបនឹងរយៈពេលដូចគ្នាកាលពីឆ្នាំមុន ខណៈការលក់អចលនទ្រព្យបានធ្លាក់ចុះ ក្រោយមានវិធានការក្នុងការទប់ស្តាត់ឡើងថ្លៃរបស់រដ្ឋាភិបាល។

ទិន្នន័យពីការិយាល័យជាតិស្ថិតិរបស់ប្រទេសចិន(NBS)បានឱ្យដឹងថា ការលក់អចលនទ្រព្យ ដោយគិតជាផ្ទៃក្រឡាបានកើនឡើង,៣ ភាគរយ នៅក្នុងខែមករា មេសាធៀបនឹងរយៈពេលដូចគ្នា កាលពីឆ្នាំមុនធ្លាក់ចុះពី ៣,ភាគរយនៅក្នុងត្រីមាសទីមួយនៃឆ្នាំនេះ។របាយការណ៍ដដែលបានបង្ហាញថា ការចាប់ផ្ដើមសាងសង់អគារថ្មី បានកើនឡើង,ភាគរយ នៅក្នុងអំឡុងពេលនេះ ធៀបទៅនឹងក្នុងខែមករាមីនា បានកើន,៧ ភាគរយផងដែរ

វិស័យអចលនទ្រព្យ គឺជាកត្តាជំរុញដ៏សំខាន់មួយ នៃកំណើនសេដ្ឋកិច្ចនៅក្នុងប្រទេសចិន ប៉ុន្តែវិស័យនេះត្រូវបានគេរំពឹងថា នឹងមានការលូតលាស់មានកម្រិត ខណៈ   រដ្ឋាភិបាល មានបំណងទប់ស្កាត់ការហូរចូលថវិកាច្រើនពេក។

យោងតាមការិយាល័យស្ថិតិជាតិបានឱ្យដឹងថា ការវិនិយោគក្នុងវិស័យអចលនទ្រព្យរបស់ប្រទេសចិន ទទួលបានចំណូលមានចំនួន,១២៩ពាន់លានយ័ន ដែលស្មើរនឹង៣៣៩,ពាន់លានដុល្លារសហរដ្ឋអាមេរិក៕

Source From : Property Area

 

 

ភ្នំពេញ តើអ្នកធ្លាប់ស្រម័យទេ ពីការកកស្ទះចរាចរណ៍ដ៏អាក្រក់នៅទីក្រុងភ្នំពេញ ដូចទីក្រុងបាងកកនាពេលអនាគត? ហើយអ្នកបានរៀនពីបច្ចេកវិទ្យាថ្មីៗ អ្វីខ្លះ ដើម្បីធ្វើឲ្យគុណភាពជីវិតរបស់អ្នកកាន់តែប្រសើរឡើង?។

យោងតាមការសិក្សាថ្មីៗនេះរបស់ក្រុមហ៊ុនUrban Living Solutionបានរកឃើញថានៅឆ្នាំ២០៣០ចំនួនប្រជាពលរដ្ឋរស់នៅទីក្រុងភ្នំពេញ នឹងកើនដល់៤លាននាក់ ដែលនឹងធ្វើឲ្យ​បែបផែននៃការរស់នៅក្នុងទីក្រុងភ្នំពេញផ្លាស់ប្តូរ ហើយចំនួនយុវជនវ័យក្មេងដែ​លមានភាពស៊ីវិល័យនឹងរស់នៅតាមខុនដូច្រើន ដោយសារកត្តាប្រជាសាស្រ្ត ការកកស្ទះចរាចរក្នុងទីក្រុង ការរីកចំរើនបច្ចេកវិទ្យា ដែលធ្វើឲ្យជីវិតពួកគេកាន់​តែ​មានភាពងាយស្រួលក្នុងការរស់នៅ។

ការសិក្សាថ្មីនេះបានព្យាករណ៍ថា សេវាកម្មជាច្រើននឹងរីកចម្រើនដូចជា សេវាកម្មតាក់ស៊ី អាហារ ភេសជ្ជៈ និងសេវាកម្មជាច្រើនទៀត ពីព្រោះនាពេលអនាគត ប្រជាជនពួកគេមិនចាំបាច់ទៅទិញអាហារនោះទេ ពួកគេអាចកំម៉ង់អាហារមកកាន់លំនៅដ្ឋាន ឬកន្លែងធ្វើការរបស់ខ្លួន ហើយនិន្នាការនេះកំពុងកើត​មានរួចទៅហើយនៅកម្ពុជា។

យោងតាមការសិក្សារបស់ក្រុមហ៊ុន អចលនទ្រព្យលំដាប់អន្តរជាតិCBRE Cambodiaបានរកឃើញថា គិតរហូតដល់ដំណាច់ឆ្នាំនេះ ខុនដូចំនួន៧០០០យូនីតទៀតនឹងដាក់ចូលទីផ្សារ ដែលធ្វើឲ្យចំនួនខុនដូដាក់ដំនើរការលើទីផ្សារកើនឡើងដល់១២០០០យូនីត។

នាយិកាក្រុមហ៊ុនCBRE Cambodiaអ្នកនាងអាន សុធីតាបានថ្លែងឲ្យដឹង ការលក់ខុនដូនៅតែដំណើការ សម្រាប់ខុនដូដែលផ្តោតលើ​ប្រជាជនមានជីវភាពមធ្យម ប៉ុន្តែខុនដូដែលមានតំលៃថ្លៃ ផ្តោតលើប្រជាជនមានជីវ​ភាពធូរធារខ្លាំងមានការលក់យឺតបន្តិច។ អ្នកនាងបន្តថា និន្នាការនៃការរស់នៅខុនដូរបស់ប្រជាជន​នៅទីក្រុងភ្នំពេញ មានសភាពដូចជាទីក្រុងក្នុងតំបន់ដូចជា ទីក្រុងបាងកក ទីក្រុងកូឡាឡាំពួរជាដើម វាត្រូវការពេលវេលា ដើម្បីធ្វើឲ្យប្រជាជនផ្លាស់ប្តូរការគិត និងរស់នៅតាមរបៀបថ្មី។

អ្នកនាងបន្តថា “វាមិនមានអ្វីគួរឲ្យបារម្ភនោះទេ បើទោះ​ជាមានការបារម្ភពី​ការផ្គត់ផ្គង់លើសតម្រូវការក្តី ប៉ុន្តែទីផ្សារជាក់ស្តែងមិនមានបញ្ហានោះទេ”។

អគ្គនាយកក្រុមហ៊ុនCentury21 Mekongលោកច្រឹក សុខនីមបានថ្លែងថា ចំនួនប្រជាពលរដ្ឋខ្មែរទិញ និងរស់នៅតាមខុនដូកំពុងកើនឡើង ប៉ុន្តែមិនទាន់មាន​កំណើនខ្ពស់ខ្លាំងនោះទេ វាត្រូវការពេលវេលា៥ទៅ១០ឆ្នាំទៀត ដើម្បីផ្លាស់ប្តូរការគិតរបស់ប្រជាពលរដ្ឋ។

ភាគហ៊ុននៃគំរោងក្រុមហ៊ុនលំនៅដ្ឋានអ៊ិលកម្ពុជាភ្នំពេញលោកទុយ ប៊ុនបានមានប្រសាសន៍ឲ្យដឹងនាពេលថ្មីៗនេះថាអតិថិជនរបស់លោកភាគច្រើនជាជនជាតិខ្មែរ មានន័យក ណ្តាល ពិសេសអ្នកទើបរៀបការរួចថ្មីៗ បានមកទិញគំរោងរបស់លោក ទោះជាពួកគេលំបាកបន្តិចក្តី ប៉ុន្តែពួកគេអាចរស់នៅបាន ជាក់ស្តែងគំរោងទី១ និងទី២របស់លោកដែលបានបញ្ចប់ការសាងសង់ មានអ្នកមករស់នៅប្រមាណ៧០ភាគរយ និងគំរោងទី៣ ដែលទើបបញ្ចប់ការសាងសង់មានអ្នកមករស់នៅប្រមាណ៥០ភាគរយផងដែរ។

អ្នកវិនិយោគខុនដូប្រណីតដ៏ល្បីឈ្មោះ គឺលោកឧកញ៉ាសៀ រិទ្ឋីអគ្គនាយកក្រុមហ៊ុនWorld Bridge Land Groupដែលបានវិនិយោគទឹកប្រាក់រាប់រយលានដុល្លារលើគំរោងThe Bridge, The PeAkនិងគំរោងKOWLOON Bayបានមើលឃើញនិន្នាការថ្មីនេះកំពុងផ្លាស់ប្តូរ ហើយលោកមានសុទិដ្ឋិនិយម ដោយបានថ្លែងថាលោក​មើលមិនឃើញបញ្ហានោះទេ ប៉ុន្តែវានឹងជាបញ្ហាប្រសិនជាម្ចាស់ខុនដូសាងសង់​មិនផ្តោតសំខាន់លើទីតាំង មិនមានគំរោងផែនការ និងជំនាញច្បាស់លាស់។លោកបន្តថា ខុនដូដែលប្រឈមនឹងបញ្ហាដែលស្ថិតនៅទីតាំងមិនសមស្រប និង​មិនមានមូលដ្ឋានទុនវិនិយោគគ្រប់គ្រាន់។

លោកបន្តថា “ខុនដូរបស់ខ្ញុំផ្តោតសំខាន់លើទីតាំង គុណភាពសំណង់ និងមានមូលដ្ឋានទុនវិនិយោគរឹងមាំ ហើយខ្ញុំមិនមែនលក់ផ្ទះតែ​មួយមុខទេ តែខ្ញុំលក់Lifestyle”៕

Source From : Property Area

 

 

ភ្នំពេញ ផ្សារទំនើបថ្មីមួយដែលមានទស្សនទាននៃការអភិវឌ្ឍន៍ថ្មី ស្ថិតនៅកណ្តាលមជ្ឈមណ្ឌលភ្នំពេញ នឹងបើកដំណើរការនៅក្នុងឆ្នាំនេះហើយ។

ផ្សារនេះជាផ្សារមួយក្នុងចំណោមផ្សារទំនើបខ្នាតអន្តរជាតិ និងខ្នាតតូចចំនួន១៣ ដែលនឹងបើកដំណើរការនៅកម្ពុជាក្នុងឆ្នាំនេះ ដោយអ្នកជំនាញបានហៅឆ្នាំ២០១៨នេះថា ជាឆ្នាំនៃផ្សារទំនើប។

យោងតាមរបាយការណ៍របស់ក្រុមហ៊ុនCBRE Cambodiaបានឲ្យដឹងថា ផ្សារទំនើបបែបសហគមន៍EDEN GARDENនេះ ស្ថិតនៅក្នុងPhnom Penh CITY CENTER​(អតីតបឹងកក់) ស្ថិតក្នុងសង្កាត់ស្រះចក ខ័ណ្ឌដូនពេញ ក្រុងភ្នំពេញ។ផ្សារនេះមានទំហំ៥០០០ម៉ែត្រការ៉េ។

អ្នកនាងអាន សុធីតានាយិកាប្រចាំប្រទេសនៃក្រុមហ៊ុនCBRE Cambodiaបានថ្លែងថា ផ្សារបែបសហគមន៍សំដៅដល់ផ្សារដែលលក់ចំណីអាហារ និងភេសជ្ជៈ និងសេវាកម្មកំសាន្តតិចតួច ខុសពីផ្សារទំនើបលំដាប់អន្តរជាតិ ដូចជា ផ្សារAEON MALL ដែលជា​ផ្សារទំនើបលក់ទំនិញចម្រុះ និងមានសេវាកម្មកំសាន្ត ការលក់ចំណីអាហារ និងភេសជ្ជៈ ដ៏សម្បូរបែប។

អ្នកនាងបន្តថា ការវិនិយោគផ្សារទំនើប ជាការវិនិយោគមានប្រាក់ចំណេញពីការវិនិយោគខ្ពស់ ប៉ុន្តែអ្នកវិនិយោគត្រូវមានគំនិតច្នៃប្រឌិតខ្ពស់ និងធ្វើបច្ចុប្បន្នភាព ព្រោះរយៈពេល៥ទៅ៨ឆ្នាំម្តង ផ្សារទំនើបនិមួយៗត្រូវធ្វើការឌីសាញ និងរៀបចំការលក់ឡើងវិញ ដើម្បីទាក់ទាញអតិថិជន។អ្នកនាងបន្តថា ទោះជាផ្សារទំនើបបើកច្រើនក្តី ប៉ុន្តែចំនួនផ្សារមិនទាន់លើសតម្រូវការនៅឡើយទេ ដោយសារផ្សារនិមួយៗស្ថិតនៅទីតាំង និងចាប់យក​ចំណែកអតិថិជនខុសៗគ្នា៕

Source From : Property Area

 

 

ក្រសួងអភិវឌ្ឍន៍លំនៅដ្ឋាន និងជនបទរបស់ប្រទេសចិនបានកោះហៅអភិបាលក្រុងក្នុងខេត្តមួយចំនួនដើម្បីក្រើនរំលឹកពីការចាត់វិធានការក្តៅចំពោះការតំឡើងថ្លៃលំនៅដ្ឋានក្រោយមានការព្រួយបារម្ភពីប្រជាពលរដ្ឋពុំមានលទ្ធភាពក្នុងការទិញលំនៅដ្ឋាន។

បើតាមការចុះផ្សាយពីទីភ្នាក់ងារព័ត៌មានស៊ីនហួបានសរសេរថាក្រសួងអភិវឌ្ឍន៍លំនៅឋាននិងជនបទបានរំលឹកដល់អភិបាលក្រុងធំៗ លំដាក់ទី២ ដែលមានការរីកចម្រើន ដូចជាក្រុង Chengdu, ទីក្រុងTaiyuan, ទីក្រុង Xian, ទីក្រុងHarbin, ទីក្រុងKunming និង ទីក្រុង Guiyang ដោយមើលឃើញថាទីក្រុងទាំងនេះ មានតម្លៃលំនៅដ្ឋានឡើងខ្ពស់គួរអោយកត់សម្គាល់ក្នុងរយៈពេលប៉ុន្មានឆ្នាំចុងក្រោយនេះ ជាងបណ្តាលខេត្តក្រុងមួយចំនួនទៀត ។

បើតាមស៊ីនហួបានសរសេរថា ក្រសួងបានប្រាប់ដល់មន្ត្រីទាំងនោះថា អោយគិតគូយកចិត្តទុកដាក់ចំពោះការត្រួតពិនិត្យអោយបានទៀតទាត់ចំពោះទីផ្សាតម្លៃអចលនទ្រព្យក្នុងក្រុងទាំងមូលមិនអាចអោយឡើងថ្លៃស្រេចតែចិត្តនោះទេ។

តម្លៃអចលនទ្រព្យនៅប្រទេសចិនបានធ្វើឱ្យក្រុមអាជ្ញាធរមានការព្រួយបារម្ភនៅប៉ុន្មានឆ្នាំចុងក្រោយនេះដោយសារតែមានការភ័យខ្លាចចំពោះវិបត្តិសេដ្ឋកិច្ច និងចលាចលសង្គមកើតឡើងបើសិនជាលំនៅដ្ឋាន ឬអចលនទ្រព្យលក់មិនចេញស្របតាមទីផ្សារ។
ទីក្រុងភាគច្រើនបានអនុវត្តវិធានការដើម្បីរក្សាតម្លៃធ្លាក់ចុះរួមទាំងការរឹតត្បិតសិទ្ធិទទួលបានការបង្កើនការបង់ប្រាក់ និងដែនកំណត់លើការលក់បន្តអចលនទ្រព្យក្នុងរយៈពេលបីឆ្នាំនៃការទិញរបស់ខ្លួន។

នៅក្នុងទីក្រុងធំៗលំដាប់ទី ២ បានដាក់វិធានការចំពោះការទំលាក់តម្លៃអចលនទ្រព្យថ្មីផងដែរដោយអាជ្ញាធរមូលដ្ឋានមិនព្រមផ្តល់ការអនុញ្ញាតលក់ដីធ្លីដល់អ្នកអភិវឌ្ឍន៍ប្រសិនបើពួកគេគិតថាតម្លៃដែលកំណត់សម្រាប់លំនៅដ្ឋានខ្ពស់ពេកនោះ។

វិធានការចំពោះមុខគឺដាក់កម្រិតលំនៅដ្ឋានថ្មីៗមិនត្រូវអោយមានការឡើងតម្លៃខ្ពស់ពេកទេ។ ជាក់ស្តែងតម្លៃលំនៅដ្ឋាននៅទីក្រុង Chengdu នៅក្នុងខែមីនាបានកើនឡើងរហូតដល់ 0,៨ ភាគរយធៀបនឹងឆ្នាំមុនខណៈនៅក្នុងទីក្រុង Taiyoan មានកើនឡើងរហូតដល់ ៧,៦ ភាគរយ។

ក្រុមហ៊ុនព័ត៌មានអចលនទ្រព្យចិនបានឱ្យដឹងនៅក្នុងរបាយការណ៍ថ្មីមួយថាទីផ្សារលំនៅដ្ឋាននៅក្នុងទីក្រុងធំៗលំដាប់ទី២ បានធ្លាក់ចូលទៅក្នុង«វដ្តអាក្រក់បំផុត»ដែលទាមទារអោយមានការទប់ស្កាត់ជាបន្ទាប់ ដើម្បីទាក់ទាញអ្នកទាញអោយបានច្រើន។

យោងតាមទិន្នន័យរបស់ China Index Academy បានឱ្យដឹងថាទីក្រុងចំនួន ១២ បានលក់ផ្ទះថ្មីចំនួន ១១ លានផ្ទះកើនឡើង២៣ ភាករយកាលពីខែមុន ដោយក្នុងនោះមានការលក់ធ្លាក់ចុះប្រមាណជា ១០ ភាករយក្នុងក្រុងធំៗលំដាប់ទី ១ចំនួន ២ គឺទីក្រុងប៉េកាំង និងសៀងហៃនិង ធ្លាក់ចុះ ៥ភាករយក្នុងក្រុងធំលំដាប់ទី ៣របស់ប្រទេសចិន។

លោក Li Zhanjun ប្រធានអ្នកវិភាគនៅសមាគមស្រាវជ្រាវអចលនទ្រព្យចិនបាននិយាយថា “ការត្រួតពិនិត្យតម្លៃលំនៅដ្ឋានរបស់ប្រទេសចិនបានហួសប្រមាណពេកដែលពួកគេពឹងផ្អែកយ៉ាងខ្លាំងទៅលើការទប់ស្កាត់រដ្ឋបាលជំនួសឱ្យការផ្គត់ផ្គង់និងការគ្រប់គ្រងតម្រូវការទីផ្សារ។

លោកលីបាននិយាយថា “រដ្ឋាភិបាលកំពុងជាប់រវល់តែនឹង តម្លៃ លំនៅដ្ឋាន ខណៈពេលដែលមិនយកចិត្តទុកដាក់ចំពោះបញ្ហាសំខាន់ៗដទៃទៀតដូចជាគុណភាពនៃផ្ទះជាដើម។

ជាមួយគ្នានោះ មានទីក្រុង Xian, ទីក្រុងChengdu និង ទីក្រុង Nanjing បានដាក់វិធានការតម្លៃស្របតាមការណែនាំរបស់រដ្ឋាភិបាលដើម្បីផលប្រយោជន៍ដល់ប្រជាពលរដ្ឋដែលមានប្រាក់ចំណូលធម្យមមានលទ្ធភាពក្នុងការទិញ និងជំរុញកំណើននៅក្នុងសេដ្ឋកិច្ចក្នុងតំបន់។

Source From : Property Area

 

 

ភ្នំពេញ៖ ក្រុមហ៊ុនអចលនទ្រព្យយក្សមួយទៀត ដែលមានមូលដ្ឋាននៅប្រទេសចិន បានចាប់ផ្តើមគំរោងវិនិយោគដ៏ធំរបស់ខ្លួននៅទីក្រុងភ្នំពេញ ដែលកំពុងមានការរីកចម្រើន​យ៉ាងឆាប់រហ័សនេះ។

ក្រុមហ៊ុន Yuetai Group នេះបាន​ឈាន​​ជើងចូលមកក្នុងទីផ្សារប្រទេសកម្ពុជា ជាមួយបទពិសោធន៍ និងភាពជោគជ័យរបស់ខ្លួន ដែលរហូតមកទល់ពេលនេះក្រុមហ៊ុននេះ​ បានចុះបញ្ជីពាណិជ្ជកម្ម​នៅប្រទេសចិន​ក្នុងគោល​ បំណង​​អភិវឌ្ឍន៍អាជីវកម្មវិស័យអចលនទ្រព្យ និងសំណង់។ គិតចាប់ពីបង្កើតឡើងដល់បច្ចុប្បន្ននេះ ក្រុមហ៊ុនបានសាងសង់គម្រោងអចនទ្រព្យធំៗជាង​២០គម្រោង ប្រកប​ដោយ​ភាព​ជោគ​ជ័យ​​នៅក្នុងប្រទេសចិន។

ក្រុមហ៊ុននេះបានកំណត់យកទីក្រុងភ្នំពេញ ​ជាតំបន់គោល​ដៅវិនិយោគ​ក្រៅប្រទេសរបស់ខ្លួ​នដោយ បានបង្កើតជាក្រុមហ៊ុនបុត្រសម្ព័ន្ធមួយនៅកម្ពុជាឈ្មោះថា Eastland Development Ltd ដែលបានសហការគ្នាររវាងក្រុមហ៊ុន Guangdong-Thai Property Management Co., Ltd និង ក្រុមហ៊ុនរបស់កម្ពុជា។ បច្ចុប្បន្ននេះក្រុមហ៊ុនបានអភិវឌ្ឍន៍គម្រោងចំនួនពីរ គឺគម្រោង EAST ONE និងគម្រោង EAST VIEW SOHO​  ដែលជាគម្រោងខុនដូ ការិយាល័យពាណិជ្ជកម្ម  និងលំនៅដ្ឋាននៅក្នុងទីក្រុង ហើយ​គម្រោង​ទាំងនេះ​បានទាក់ទាញកំណើនវិនិយោគទុនពីតៃវ៉ាន់ សិង្ហបុរីហុងកុងព្រមទាំងចិនដីគោកជាច្រើន។

គម្រោង Yuetai The Garden មានទីតាំងនៅតាមបណ្តោយផ្លូវវេងស្រេង ជិតវិមានសុភមង្គល និង​មានចំណាយត្រឹមតែ១៥នាទី ទៅព្រលានយន្តហោះអន្តរជាតិភ្នំពេញ។ ​

គម្រោងនេះបានបើកលក់ជាផ្លូវការហើយ និងមានផ្តល់​ជូនការ​បញ្ចុះតម្លៃ​ពិសេស​ចំនួន៣ភាគរយ ភ្លាមៗសម្រាប់ការ​ទិញយូនីតណាមួយ​ពីគម្រោង​នៅថ្ងៃនេះ  ហើយគម្រោក៏ផ្តល់​ជូនលក្ខខណ្ឌ​បង់ប្រាក់​ ដ៏ទាក់ទាញដោយតម្រូវឲ្យអតិថិជនបង់ត្រឹមតែ១០ដុល្លារប៉ុណ្ណោះក្នុងមួយថ្ងៃ។

លំនៅដ្ឋាន Yuetai The Garden របស់ហ៊ុន YuetaiGroup រចនាឡើង​ជាមួយរចនាបទ​បែបទំនើប​រួមជាមួយសេវាកម្ម​ និងបរិក្ខារប្រណិតៗដូចជា៖ កន្លែងពាណិជ្ជកម្ម អាងហែលទឹក ចំណតរថយន្ត កន្លែងកម្សាន្ត​តំបន់បៃតងដែលនៅតាមផ្លូវមានអមដោយដើមឈើ រួមជាមួយសំណង់នា​នាដើម្បី​បង្កើត​ទៅជាលំនៅ​ដ្ឋានដ៏ឆ្លាតវៃ៕

Source From : Property Area

 

Latest News

LATEST EXCLUSIVE LISTING

Villa For Sale
Niroth,Meanchey
USD 1,100,000.00
Flat House For Sale
Prek Pra,Meanchey
USD 68,000.00
Flat House For Sale
Dangkao,Dangkao
USD 73,000.00
Flat House For Sale
Boeng Keng Kang III,Chamkarmon
USD 295,000.00
Apartment For Sale
Chrang Chamres 1,Russey Keo
USD 168,000.00

CVEA MEMBERS