អ្នក​វិនិយោគ​កាន់តែ​ច្រើន​​ ចាប់​អារម្មណ៍​ទីផ្សារ​ការិយាល័យ​រួម

Languages

hostgator domain coupon
  • 1a
  • 1b
  • 2a
  • 3a
  • 4a
  • ava 1
  • ava 2
  • ava 4
  • zillennium

  • c21

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 
ការិយាល័យ​រួម (Co-Working) របស់​ក្រុមហ៊ុន​សហការ​។ រូបថត សហការី

ការិយាល័យ​រួម ឬ​កន្លែង​ធ្វើ​ការងារ​រួម​ដែល​ជា​ទីផ្សារ​ថ្មី​សន្លាង​មួយ​នៅ​កម្ពុជា​កំពុង​មាន​ការ​ចាប់​អារម្មណ៍​ខ្លាំង​ពី​សំណាក់​អ្នកវិនិយោគ​។

បច្ចុប្បន្ន​មាន​ក្រុមហ៊ុន​ក្នុង​ស្រុក​មួយ​ចំនួន​ដែល​បាន​វិនិយោគ​លើ​ការិយាល័យ​រួម​នៅ​កម្ពុជា ប៉ុន្តែ​ថ្មីៗ​នេះ​ដោយសារ​មាន​ការ​កើនឡើង​តម្រូវការ​ការិយាល័យ​រួម​អ្នកវិនិយោគ​ក្រៅ​ស្រុក​ក៏​គ្រោង​នឹង​ពង្រីក​អាជីវកម្ម​របស់​ខ្លួន​នៅ​កម្ពុជា​។

ការិយាល័យ​រួម​ទើប​តែ​មាន​ប្រជាប្រិយភាព​នៅក្នុង​ប្រទេស​កម្ពុជា​នា​រយៈពេល​ប៉ុន្មាន​ឆ្នាំ​ចុងក្រោយ​នេះ​ប៉ុណ្ណោះ ដោយសារ​វា​មាន​តម្លៃ​សមរម្យ និង​គុណសម្បត្តិ​ដែល​អតិថិជន​នឹង​អាច​ទទួល​បាន​នៅពេល​ជួល​។ ថ្វីបើ​កន្លែង​ធ្វើការ​រួម​គ្នា គឺជា​ផ្នែក​ថ្មី​មួយ​ក៏ដោយ តែ​នៅ​ពេល​នេះ​វា​កំពុង​ទទួល​បាន​ការគាំទ្រ​យ៉ាង​ខ្លាំង និង​ឆាប់​រហ័ស​ពី​សំណាក់​អាជីវកម្ម​ទើប​ចាប់ផ្ដើម សហគ្រិន និង​ក្រុមហ៊ុន​តូច​។

បើ​តាម Coworker.com បាន​ឲ្យ​ដឹង​ថា​បច្ចុប្បន្ន​នេះ​មាន​ក្រុមហ៊ុន​ចំនួន​ ១៣ ​នៅក្នុង​ប្រទេស​កម្ពុជា​ដែល​កំពុង​ផ្តល់​សេវាកម្ម​ជួល​កន្លែង​ធ្វើ​ការងារ​រួម​គ្នា​។

ក្រុមហ៊ុន Emerald Hub បាន​ចូល​ក្នុង​ទីផ្សារ​ការិយាល័យ​រួម​នៅ​កម្ពុជា​ក្នុង​ឆ្នាំ​ ២០១៦ នៅ​អគារ PPIU មុន​ពេល​ប្រតិបត្តិការ ១ ​ទីតាំង​ផ្សេង​ទៀត​នៅក្នុង​សង្កាត់​បឹងកេងកង​ទី​ ៣ ក្នុង​ឆ្នាំ​ ២០១៧​។ រហូត​មក​ដល់​ពេល​នេះ Emerald Hub បាន​បម្រើការ​ឱ្យ​ក្រុមហ៊ុន​ចំនួន​ ៣២ នៅក្នុង​ទីតាំង​ទាំង​ ២ ​របស់​ខ្លួន​។

កញ្ញា ជា ម៉ារ៉ា អ្នក​គ្រប់គ្រង​ទូទៅ​នៅ​ក្រុមហ៊ុន Emerald Hub មាន​ប្រសាសន៍​ថា​៖ «​តម្រូវការ​កន្លែង​ធ្វើ​ការងារ​រួម​នៅ​កម្ពុជា​បាន​នឹង​កំពុង​កើនឡើង​ក្នុង​អំឡុង​ពេល​ ២-៣ ​ឆ្នាំ​កន្លង​មក​នេះ​ហើយ​ដើម្បី​ឆ្លើយតប​នឹង​តម្រូវការ​ដែល​មាន​កំណើន​ឆាប់​រហ័ស​នេះ​ក្រុមហ៊ុន​កំពុង​សិក្សា​ពង្រីក​ទីតាំង​ទី​ ៣ របស់​ខ្លួន​ក្នុង​ពេល​ឆាប់ៗ​នេះ​»​។

តម្រូវការ​ការិយាល័យ​រួម​កើនឡើង​គឺ​ដោយសារ​តែ​មាន​តម្លៃ​សមរម្យ និង​អត្ថប្រយោជន៍​ជាច្រើន​ដែល​អតិថិជន​ទទួល​បាន​។ ដោយឡែក​អតិថិជន​របស់ Emerald Hub មាន​ជម្រើស​ជួល​កន្លែង​ដែល​មាន​តម្លៃ​ចាប់ពី​ ៦០ ​ដុល្លារ​ឡើង​ទៅ​ក្នុង​ ១ ​ខែ ហើយ​តម្លៃ​អាច​ខ្ពស់​ជាង​នេះ​អាស្រ័យ​លើ​ទំហំ​នៃ​ការជួល លក្ខខណ្ឌ និង​ជម្រើស​ដែល​ពួកគេ​ជ្រើសរើស​។ នេះ​បើ​តាម​កញ្ញា ម៉ារ៉ា​។

កញ្ញា ម៉ារ៉ា បាន​លើក​ឡើង​ពី​អត្ថប្រយោជន៍​នៃ​ការជួល​ការិយាល័យ​ធ្វើការ​រួមគ្នា​ដោយ​បញ្ជាក់​ថា ពួកគេ​មាន​ឱកាស​កាន់​តែ​ប្រសើរ​ក្នុង​ការកសាង​បណ្តាញ​ជាមួយ​ក្រុមហ៊ុន​ដទៃ​ទៀត​ហើយ​អាច​ចូលរួម​សិក្ខាសាលា​ជាច្រើន​ដែល​នឹង​ផ្តល់​ចំណេះដឹង និង​បទពិសោធន៍​ល្អៗ​ដល់​ពួកគេ​។ លើស​ពី​នេះ​ពួកគេ​នឹង​ទទួល​បាន​អត្ថប្រយោជន៍​ជាច្រើន​ទៀត​ដូចជា​ការតភ្ជាប់​អ៊ីនធឺណេត​ដោយ​ឥត​គិត​ថ្លៃ ការ​ផ្គត់ផ្គង់​ទឹក និង​អគ្គិសនី​ព្រម​ទាំង​មាន​បរិយាកាស​ធ្វើ​ការងារ​ល្អ​ប្រសើរ​។

កញ្ញា ប៉ុក ស៊ីណា និង​ក្រុម​ការងារ​ដែល​មាន​គ្នា​ ៣ ​នាក់​ផ្សេង​ទៀត​បាន​ជួល​កន្លែង​ធ្វើ​ការងារ​រួម​នៅ Emerald Hub បាន​រយៈពេល​ ១ ​ឆ្នាំ​មក​ហើយ​។ ពួកគេ​បាន​បើក​ក្រុមហ៊ុន​មួយ​ដែល​មាន​ឈ្មោះ​ថា Fado168 ដែល​ធ្វើការ​បញ្ជា​ទិញ និង​ដឹក​ជញ្ជូន​ទំនិញ​ពី​ក្រុមហ៊ុន Amazon សហរដ្ឋអាមេរិក​មក​លក់​នៅ​កម្ពុជា​។

កញ្ញា ស៊ីណា បាន​និយាយ​ថា៖ «​ក្រុម​របស់​ខ្ញុំ​សម្រេច​ចិត្ត​ជួល​នៅ​ទី​នេះ​ព្រោះ​វា​ជា​ទីតាំង​ដ៏ល្អ និង​មាន​តម្លៃ​សមរម្យ​សម្រាប់​ក្រុមហ៊ុន​ចាប់ផ្តើម​ថ្មី​ដួច​ពួកយើង​។ យើង​គ្រាន់តែ​បង់ថ្លៃ​ជួល​ប្រចាំខែ ហើយ​អាច​ទទួល​បាន​សេវា​អ៊ីនធឺណេត​ដោយ​ឥតគិតថ្លៃ និង​សេវា​ផ្សេងៗ​ទៀត​ដូចជា​ទឹកភ្លើង ដោយ​មិន​បង់​ប្រាក់ ដែល​ខុស​ពី​ការជួល​ការិយាល័យ​នៅ​មជ្ឈមណ្ឌល​ពាណិជ្ជកម្ម​ដែល​មាន​តម្លៃ​ខ្ពស់​»​។

កញ្ញា ស៊ីណា ​បាន​លើក​ឡើង​ថា​អ្វី​ដែល​សំខាន់​បំផុត​នោះ គឺ​យើង​អាច​កសាង​បណ្តាញ​ជាមួយ​ក្រុមហ៊ុន​តូចៗ​ដទៃ​ទៀត​ដោយ​បាន​ចែករំលែក​បទពិសោធន៍​គ្នា​ទៅវិញ​ទៅមក​។ មិន​តែ​ប៉ុណ្ណោះ​យើង​មាន​ឱកាស​ទទួល​បាន​ចំណេះដឹង​ច្រើន​ថែម​ទៀត​ជាមួយ​នឹង​ការចូលរួម​សិក្ខាសាលា​នៅ​ទី​នេះ​រៀងរាល់​សប្តាហ៍​។

ជា​ប្រទេស​កំពុង​អភិវឌ្ឍន៍​កម្ពុជា​បាន​បង្កើត​បរិយាកាស​ទាក់ទាញ​ឱ្យ​មាន​ការបង្កើត​អាជីវកម្ម​ជាច្រើន​នៅក្នុង​រយៈពេល​ប៉ុន្មាន​ឆ្នាំ​ចុងក្រោយ​នេះ​។

សហការ​ដែល​ជា​ការិយាល័យ​រួម​ ១ ​ទៀត​នៅក្នុង​សង្កាត់​ផ្សារ​ដើមថ្កូវ ខណ្ឌ​ចម្ការមន បាន​ចាប់ផ្តើម​ប្រតិបត្តិការ​នៅ​ដើម​ឆ្នាំ​ ២០១៨ នេះ​។ កញ្ញា សំ រតនៈទេពី ស្ថាបនិក​ក្រុមហ៊ុន​សហកា​បាន​និយាយ​ថា យើង​ចាប់ផ្តើម​ការិយាល័យ​ធ្វើការ​រួម​គ្នា​ឡើង​ដើម្បី​ផ្តល់នូវ​ស្តង់ដារ​កន្លែង​ធ្វើ​ការងារ​កាន់តែ​ប្រសើរ​សម្រាប់​បម្រើ​អាជីវកម្ម​ធុន​តូច សហគ្រិន និង​អ្នក​ជំនាញ​នៅ​ក្នុង​ប្រទេស​កម្ពុជា​។

កញ្ញា រតនៈទេពី បន្ត​ថា៖ «​នៅពេល​ដែល​ពួកគេ​ចង់​រក​កន្លែង​ធ្វើការ ពួកគេ​មាន​តែ​ទៅ​ហាង​កាហ្វេ ដើម្បី​បំពេញ​ការងារ​របស់​ពួកគេ​។ សូម្បី​តែ​ខ្ញុំ​ក៏​ទៅ​ហាង​កាហ្វេ​ដែរ​ដើម្បី​បំពេញ​ការងារ​របស់​ខ្ញុំ ក៏​ប៉ុន្តែ​ខ្ញុំ​កត់សម្គាល់​ឃើញ​ថា​ហាង​កាហ្វេ​ទាំង​នោះ​ផ្តល់​នូវ​ស្តង់ដារ​មួយ​ដែល​មាន​កម្រិត​នៅ​ឡើយ​សម្រាប់​បរិយាកាស​ធ្វើ​ការងារ​»​។

កញ្ញា រតនៈទេពី បញ្ជាក់​ថា​ដូច្នេះ​សហការ​មាន​គោល​បំណង​ផ្តល់នូវ​កន្លែង​ធ្វើ​ការងារ​រួម​គ្នា​ជាមួយ​នឹង​តម្លៃ​សមរម្យ​ចាប់ពី​ ៨០ ​ដុល្លារ​ឡើង​ទៅ​ក្នុង​​ ១ ​ខែ ប៉ុន្តែ​មាន​ស្តង់ដារ​ល្អ​សម្រាប់​បម្រើ​ដល់​អ្នក​ជំនាញ​ទាំង​នោះ​។

នៅ​ដើម​ឆ្នាំ​នេះ Toong ដែល​ជា​ក្រុមហ៊ុន​វៀតណាម​ឈាន​មុខ​គេ​ខាង​ការិយាល័យ​រួម​គ្នា​បាន​ប្រកាស​ពី​ការពង្រីក​អាជីវកម្ម​ដំបូង​របស់​ខ្លួន​នៅក្នុង​ប្រទេស​កម្ពុជា​ដោយ​ចាប់​ដៃគូ​ជាមួយ​អ្នក​អភិវឌ្ឍន៍​អចលនទ្រព្យ និង​អ្នក​ផ្គត់ផ្គង់​សេវាកម្ម​នៅក្នុង​តំបន់​។ ទីតាំង​របស់​ការិយាល័យ​រួម​នេះ​នឹង​ស្ថិត​នៅ​ជិត​អគារ Vattanac Capital Tower ហើយ​គេ​រំពឹង​ថា​វា​នឹង​បើក​ដំណើរការ​នៅ​ត្រីមាស​ទី​ ៤ ក្នុង​ឆ្នាំ​នេះ​ជាមួយ​នឹង​ទំហំ​ ៧០០ ​ម៉ែត្រការ៉េ​។

នៅក្នុង​បទសម្ភាសន៍​ជាមួយ​កាសែត Nikkei Asian Review លោក Duong Do ស្ថាបនិក និង​អគ្គនាយក​ក្រុមហ៊ុន Toong បាន​និយាយ​ថា៖ «​ក្រុមហ៊ុន​នឹង​បើក​ទីតាំង​ចំនួន​ ៩ ​កន្លែង​នៅ​ក្នុង​តំបន់​ឥណ្ឌូចិន​​ (​វៀតណាម ឡាវ និង​កម្ពុជា​) ដែល​មាន​ផ្ទៃ​ក្រឡា​ ១៣០០០ ​ម៉ែត្រការ៉េ​នៅ​ចុង​ឆ្នាំ​នេះ​»​។

អ្នកស្រី អាន សុធីតា នាយិកា​ក្រុមហ៊ុន CBRE Cambodia បាន​កត់សម្គាល់​ឃើញ​ពី​តម្រូវការ​កំពុង​កើនឡើង​នៃ​ការិយាល័យ​រួម​នៅ​កម្ពុជា ប៉ុន្តែ​បាន​និយាយ​ថា ក្រុមហ៊ុន​របស់​អ្នកស្រី​មិន​ទាន់​បាន​សិក្សា និង​គណនា​ទំហំ​ការិយាល័យ​រួម​នៅ​កម្ពុជា​នោះ​ទេ​។

ទោះបី​ជា​យ៉ាង​ណា​អ្នកស្រី អាន សុធីតា បាន​បញ្ជាក់​ថា ការពង្រីក​អាជីវកម្ម​របស់​វៀតណាម​មក​ប្រទេស​កម្ពុជា​បាន​បង្ហាញ​យ៉ាង​ច្បាស់​ថា តម្រូវការ​ការិយាល័យ​រួម​នៅ​កម្ពុជា​កំពុង​កើនឡើង​។

លោក ហ៊ឹម សីហា ប្រធាន​ផ្នែក​ស្រាវជ្រាវ​នៅ​ក្រុមហ៊ុន Vtrust Appraisal មាន​ប្រសាសន៍​ថា​៖ «​និន្នាការ​នៃ​ការិយាល័យ​រួម​នៅ​កម្ពុជា​កំពុង​កើនឡើង ស្រប​តាម​កំណើន​សេដ្ឋកិច្ច​របស់​ប្រទេស​កម្ពុជា​។ ទីផ្សារ​មួយ​នេះ​នឹង​មាន​ការរីកចម្រើន​កាន់តែ​ខ្លាំង​នៅ​ថ្ងៃ​អនាគត​នៅពេល​ដែល​សហគ្រិន ឬ​អ្នក​ជំនាញ​មាន​ចំនួន​កាន់តែ​ច្រើន តួ​យ៉ាង​ដូចជា​អ្នក​រចនា​ប្លង់​ដែល​ចូលចិត្ត​ចាប់​ផ្តើម​អាជីវកម្ម​ខ្នាត​តូច​ផ្ទាល់​ខ្លួន​ដែល​ទទួល​គម្រោង​ពី​អ្នក​ម៉ៅការ​ធំ​»​។

លោក សីហា បាន​បន្ថែម​ថា ការិយាល័យ​រួម​ទទួល​បាន​ការគាំទ្រ និង​ទទួល​បាន​ជោគជ័យ​រួច​មក​ហើយ​នៅ​ប្រទេស​ថៃ និង​វៀតណាម ហើយ​លោក​រំពឹង​ថា​ទីផ្សារ​នេះ​នឹង​ដំណើរការ​ល្អ​នៅ​កម្ពុជា​ផង​ដែរ​នាពេល​អនាគត​។

ការបើក​ដំណើរការ​ការិយាល័យ​រួម​របស់​ក្រុមហ៊ុន Toong នៅ​រាជធានី​ភ្នំពេញ​នៅ​ចុង​ឆ្នាំ​នេះ​នឹង​ធ្វើឱ្យ​ទីផ្សារ​នេះ​កាន់តែ​មាន​ប្រជាប្រិយភាព និង​លើក​ទឹកចិត្ត អាជីវកម្ម​ខ្នាតតូច​កាន់តែ​ច្រើន​ឱ្យ​ចាប់ផ្ដើម​ប្រតិបត្តិការ​នៅ​កម្ពុជា​៕

Source From : Phnom Penh Post

 

Latest News

LATEST EXCLUSIVE LISTING

Villa For Sale
Niroth,Meanchey
USD 1,100,000.00
Flat House For Sale
Prek Pra,Meanchey
USD 68,000.00
Flat House For Sale
Dangkao,Dangkao
USD 73,000.00
Flat House For Sale
Boeng Keng Kang III,Chamkarmon
USD 295,000.00
Apartment For Sale
Chrang Chamres 1,Russey Keo
USD 168,000.00

CVEA MEMBERS