ស្ពាន គឺជា​គន្លឹះ​ចម្បង ​ក្នុង​ការ​លើក​កម្ពស់​វិស័យ​អចលនទ្រព្យ​ នៅ​អរិយក្សត្រ

Languages

banner publications

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 
សំណង់​ខុនដូ​ដែល​មាន​ការ​រីក​ដុះដាល​ក្នុង​រាជធានី​ភ្នំពេញ​។ ហុង មិនា

បើ​ទោះបី​ជា​ពេលវេលា​នៃ​ការចាប់ផ្តើម​សាងសង់​ស្ពាន​ឆ្លងទន្លេ​មេគង្គ និង​ទន្លេបាសាក់ ពី​រាជធានី​ភ្នំពេញ​ឆ្ពោះ​ទៅ​តំបន់​អរិយក្សត្រ ហាក់​មិន​ទាន់​មាន​ភាព​ច្បាស់លាស់​ក៏ដោយ ក៏​សកម្មភាព​នៃ​ការ​សាងសង់ និង​ចលនា​នៃ​ការ​ទិញ​-លក់​អចលនទ្រព្យ​នៅ​ទីនោះ​នៅ​តែ​មាន​ភាព​រស់​ររើក​ដដែល​។

លោក ឌឹត ចណ្ណា អគ្គនាយក​ក្រុមហ៊ុន Lucky Realty បាន​និយាយ​ថា ចលនា​នៃ​ការ​ទិញ-​លក់ អចលនទ្រព្យ​នៅ​តំបន់​អរិយក្សត្រ គឺ​មាន​សកម្មភាព​ល្អ​ប្រសើរ ដោយ​នៅ​ពេល​នេះ​គេ​សង្កេត​ឃើញ​មាន​គម្រោង​សាងសង់​បុរី ខុនដូ និង​ដីឡូត៍​ពុះ​លក់​ជាច្រើន​នៅ​ទី​នោះ​។ ហេតុផល​សំខាន់ៗ​ដែល​ធ្វើឱ្យ​សកម្មភាព​ទិញ លក់ អចលនទ្រព្យ​នៅ​ទីនោះ​មាន​ដំណើរការ​ល្អ គឺ​ទី​ ១ ​នៅ​ជិត​ចំណុច​កណ្តាល​រាជធានី​ភ្នំពេញ​ (​ខណ្ឌ​គ្នា​ដោយ​ទន្លេ​) ទី​ ២ ភាព​ទាក់ទាញ​នៃ​ទីតាំង​ភូមិសាស្ត្រ​ដែល​នៅ​ជិត​ទន្លេ និង​ទី​ ៣ ផែនការ​នៃ​ការ​សាងសង់​ស្ពាន​ឆ្លង​ទន្លេ​ចំនួន​ ២ ​កន្លែង​។

លោក​បាន​អះអាង​ថា៖ «​មូលហេតុ​ចម្បង​ដែល​ធ្វើឲ្យ​តម្លៃ និង​សកម្មភាព​ទិញ-លក់ អចលនទ្រព្យ នៅ​តំបន់​អរិយក្សត្រ​មាន​ភាព​ល្អ​ប្រសើរ គឺ​ការ​រំពឹង​ខ្លាំង​ទៅ​លើ​ការ​សាងសង់​ស្ពាន​ឆ្ពោះ​ទៅ​កាន់​ទី​នោះ​តែ​ម្តង​»​។

បើ​តាម​លោក ចណ្ណា បច្ចុប្បន្ន​ដី​នៅ​តាម​បណ្តោយ​ផ្លូវធំ​អាច​មាន​តម្លៃ​ចន្លោះ​ពី​ ៤០០ ​ទៅ ៤៥០ ​ដុល្លារ ក្នុង ​១ ​ម៉ែត្រការ៉េ ខណៈដី​លំនៅឋាន​តាម​ផ្លូវ​តូចៗ​ក្នុង​ភូមិ​មាន​តម្លៃ​ចន្លោះ​ពី​ ២០០ ទៅ​ ៣០០ ​ដុល្លារ និង​ដី​កសិកម្ម (​ដីស្រែ ប្រាំង​) អាច​មាន​តម្លៃ​ចាប់ពី​ជាង​ ២ ​ដុល្លារ​ឡើង​ទៅ​។ តម្លៃ​នេះ​បើ​ធៀប​នឹង​ដើមឆ្នាំ​ ២០១៧ គឺ​កើនឡើង​ក្នុង​រង្វង់​ ១០ ​ទៅ​ ១៥ ​ភាគរយ​។

ទោះ​ជា​យ៉ាងណា​លោក ចណ្ណា បាន​ប្រាប់​ថា៖ «​ប្រសិន​បើ​អ្នក​ដែល​មាន​បំណង​ចង់​ធ្វើការ​វិនិយោគ​ទៅលើ​អចលនទ្រព្យ​នៅ​តំបន់​អរិយក្សត្រ ហើយ​មាន​ទុន​បង្វិល​សម្រាប់​រយៈពេល​ត្រឹម​ ៣-៥ ​ឆ្នាំ​គេ​គួរ​តែ​ពិចារណា​ឱ្យ​បាន​ច្បាស់ ជាពិសេស​ការ​ជ្រើសរើស​ទីតាំង ព្រោះ​ថា​ការ​ទទួល​បាន​ប្រាក់​ត្រឡប់​មក​វិញ​អាច​នឹង​មាន​រយៈពេល​យូរ​»​។ លោក​បាន​បន្ត​ថា៖ «​មាន​អ្នក​ទិញ​អចលនទ្រព្យ​នៅ​ទីនោះ​ជាច្រើន​បាន​រំពឹង​ថា ខ្លួន​នឹង​អាច​ទទួល​បាន​ប្រាក់ចំណេញ​ច្រើន​បន្ទាប់ពី​មាន​ស្ពាន​ត​ភ្ជាប់​ទៅ​ទី​នោះ តែ​ជាក់ស្តែង​សញ្ញាណ​ដែល​បញ្ជាក់​ថា ការ​សាងសង់​ស្ពាន​នឹង​ចាប់ផ្តើម​ក្នុង​ពេល​ឆាប់ៗ​នេះ​ហាក់​មិន​ទាន់​មាន​ពន្លឺ​នោះ​ទេ​»​។

ទាក់ទង​នឹង​ការទិញ​អចលនទ្រព្យ អគ្គនាយក​ក្រុមហ៊ុន Lucky Realty បាន​លើក​ឡើង​ថា ជា​ការ​ល្អ​បំផុត​មុន​នឹង​ចង់​ទិញ​អចលនទ្រព្យ​នៅ​តំបន់​ណា​មួយ គេ​គួរតែ​ចំណាយ​ពេលខ្លះ​ដើម្បី​ជួប​ប្រឹក្សា​ជាមួយ​អ្នកជំនាញ ឬ​ក្រុមហ៊ុន​ដែល​មាន​អាជ្ញាប័ណ្ណ​ត្រឹមត្រូវ​ដើម្បី​ចៀសវាង​យថាហេតុ​ចៃដន្យ​ណា​មួយ​ដែល​អាច​កើតឡើង​។

លោក ច្រឹក សុខនីម អគ្គនាយក​ក្រុមហ៊ុន Century21 Cambodia បាន​និយាយ​កាលពី​ចុង​សប្តាហ៍​មុន​ថា បច្ចុប្បន្ន​លោក​ក៏​កំពុង​ស្វែងរក​ដី​នៅ​អរិយក្សត្រ​ឲ្យ​ភ្ញៀវ​ដែរ​ដោយ​ភ្ញៀវ​របស់​លោក​ភាគច្រើន​គេ​ទិញ​សម្រាប់​វិនិយោគ​នាពេល​អនាគត​។ ដោយសារ​ដី​នៅ​អរិយក្សត្រ​ភាគច្រើន​ជា​ដី​លិច​ទឹក​នៅ​រដូវវស្សា ដូច្នេះ​កន្លែង​ដែល​នៅ​ឆ្ងាយ​ពី​ផ្លូវ និង​មិន​ទាន់​ចាក់ដី​បំពេញ គេ​អាច​រក​បាន​ក្នុង​តម្លៃ​ធូរ​ថ្លៃ​ផង​ដែរ​នា​ពេល​នេះ​។

លោក​បាន​ប្រាប់​ថា៖ «​សម្រាប់​រយៈពេល​វែង​ទៅ​មុខ ការវិនិយោគ​នៅ​តំបន់​នោះ​ល្អ​ប៉ុន្តែ​នាពេល​នេះ​មិន​ទាន់​សូវ​ល្អ​ទេ​ដោយសារ​មិន​ទាន់​មាន​ហេដ្ឋា​រចនាសម្ព័ន្ធ​គ្រប់គ្រាន់​»​។

 

Content image - Phnom Penh Post
ទីស្នាក់ការ​សាលាឃុំ​អរិយក្សត្រ​ដែល​ស្ថិត​ក្នុង​ស្រុក​ល្វាឯម ខេត្ត​កណ្តាល​។ រូបថត ហ៊ឹន ពិសី

 

អរិយក្សត្រ ជា​ផ្នែក​មួយ​របស់​ខេត្ត​កណ្តាល ដែល​ខណ្ឌ​ចែក​ពី​រាជធានី-ភ្នំពេញ​ដោយ​ទន្លេ​តែ​ប៉ុណ្ណោះ​។ តំបន់​នោះ​ក៏​ត្រូវ​បាន​រាជរដ្ឋាភិបាល​គ្រោង​នឹង​ដាក់​បញ្ចូល​ជា​ផ្នែក​មួយ​នៃ​រាជធានី​ភ្នំពេញ​នាពេល​ឆាប់ៗ​នេះ​ផងដែរ​។

ប្រមុខ​រាជរដ្ឋាភិបាល​កម្ពុជា​លោក​នាយក​រដ្ឋមន្ត្រី ហ៊ុន សែន កាលពី​ពេល​កន្លង​មក​ធ្លាប់​បាន​ប្រកាស​ពី​ផែនការ​នៃ​ការ​សាងសង់​ស្ពាន​ចំនួន​ ២ ​កន្លែង​ដើម្បី​តភ្ជាប់​តំបន់​អរិយក្សត្រ​មក​កាន់​រាជធានី​ភ្នំពេញ ដែល​ចំណុច​ទី​ ១ ចេញ​ពី​កំពង់​ចម្លង​ជ្រោយចង្វារ​ទៅ​ស្វាយជ្រំ និង​ទី​ ២ ចេញ​ពី​កំពង់​ចម្លង​ក្តីតាកុយ (​ផ្លូវ​ជាតិ​លេខ​ ១) នៃ​ខណ្ឌ​ច្បារអំពៅ​ឆ្ពោះ​ទៅ​កាន់​ឃុំ​អរិយក្សត្រ​។

លោក នូ វឌ្ឍនៈ អ្នក​នាំពាក្យ​ក្រសួង​សាធារណការ និង​ដឹកជញ្ជូន​បាន​និយាយ​ថា ផែនការ​សាងសង់​ស្ពាន​ពី​រាជធានី​ភ្នំពេញ​ឆ្ពោះ​ទៅ​អរិយក្សត្រ​ដែល​ជា​កម្ចីសម្បទាន​ពី​ប្រទេស​ចិន​នោះ ពេល​នេះ​កំពុង​ស្ថិត​ក្នុង​ដំណាក់កាល​សិក្សា​។ នៅពេល​មាន​ស្ពាន​ទាំង​ ២ ​នេះ ការ​ធ្វើ​ដំណើរ ពិសេស​ការ​ដឹកជញ្ជូន​ទំនិញ​នឹង​កាន់​តែ​មាន​ភាព​ងាយស្រួល​ព្រោះ​មិន​ចាំបាច់​ត្រូវ​ឆ្លងកាត់​រាជធានី​ភ្នំពេញ​ឡើយ​។

លោក​មាន​ប្រសាសន៍​ថា៖ «​រហូត​មក​ដល់​ពេលនេះ​គឺ​មិន​ទាន់​មាន​ការ​កំណត់ពេល​វេលា​ច្បាស់លាស់​ដើម្បី​សាងសង់​ស្ពាន​ភ្ជាប់​ពី​ភ្នំពេញ​ទៅ​តំបន់​អរិយក្សត្រ​ឡើយ​»​។

បច្ចុប្បន្ន​នៅ​តំបន់​អរិយក្សត្រ​មាន​គម្រោង​លំនៅឋាន​ជាច្រើន​ដូចជា បុរី​ចតុមុខ​ស៊ីធី បុរី Evergreen City និង​បុរី​សែនសុខ​ជាដើម​។

បុគ្គលិក​ជាន់​ខ្ពស់​ផ្នែក​លក់​នៃ​គម្រោង​បុរី​ចតុមុខ​ស៊ីធី ដែល​វិនិយោគ​លើ​ការ​សាងសង់​ផ្ទះល្វែង វីឡា ខុនដូ និង​ដីឡូត៍​នៅ​តំបន់​អរិយក្សត្រ បាន​និយាយ​ថា ការ​លក់​នា​ដើម​ឆ្នាំ​ ២០១៨ នេះ​មាន​ភាព​ល្អ​ប្រសើរ​ជាង​ឆ្នាំ​មុន​ដោយ​បច្ចុប្បន្ន​ក្រុមហ៊ុន​របស់​លោក​គម្រោង​សាងសង់​លំនៅឋាន​ថ្មីៗ​ជា​បន្តបន្ទាប់​។ លោក​បាន​បន្ត​ថា ការ​លក់​បន្ទប់​ស្នាក់នៅ​ក្នុង​ខុនដូ ដែល​មាន​ជិត​ ៥០០ ​យូនីត​រហូត​មក​ដល់​ពេល​នេះ​សម្រេច​បាន​ភាគច្រើន​ផងដែរ​។

បុគ្គលិក​ខាង​លើ​បាន​និយាយ​ថា៖ «​សម្រាប់​ខ្ញុំ​តម្លៃ​ដី និង​អចលនទ្រព្យ​នៅ​តំបន់​អរិយក្សត្រ​នឹង​កាន់​តែមាន​ភាព​ល្អប្រសើរ​ឡើង​បន្ថែម​ទៀត​ព្រោះ​ជា​កន្លែង​ដ៏ល្អ​សម្រាប់​ការ​រស់នៅ និង​ស្ថិត​នៅ​ជិត​ចំណុចកណ្តាល​រាជធានី​ភ្នំពេញ​»​។

បើ​តាម​បុគ្គលិក​ក្រុមហ៊ុន​ខាង​លើ​បាន​អះអាង​ថា ការ​សាងសង់​ស្ពាន​ចំនួន​ ២ ​កន្លែង​ដែល​ភ្ជាប់​ពី​ភ្នំពេញ​ទៅ​អរិយក្សត្រ នឹង​សាងសង់​ឡើង​មិន​ឱ្យ​លើស​ពី​ឆ្នាំ​ ២០២០ ឡើយ​៕

Source From : Phnom Penh Post

 

Latest News

ដោយដែន ចែងចាំង ​ភ្នំពេញ: តម្រូវការការងារក្នុងវិស័យសំណង់ និងអចលនទ្រព្យបានកើនឡើងខ្ពស់ស្របពេលការរីកចម្រើនលើវិស័យសំណង់...
ដោយ គង់ សូរិយា ​ភ្នំពេញ: ខេត្តភូមិភាគឥសាន្តប្រទេស...
ដោយវុត្ថា យោងតាមការទិន្ន័យផ្លូវការរបស់មន្ត្រីរដ្ឋាភិបាលចិន បានបង្ហាញនៅថ្ងៃអង្គារិ៍នេះ ថា...

LATEST EXCLUSIVE LISTING

Land For Sale
Chroy Changva,Russey Keo
USD 1,090,000.00
Land For Sale
Prek Leap,Russey Keo
USD 850,000.00
Land For Rent
Prek Leap,Russey Keo
USD 1,600.00/Month
Villa For Sale
Niroth,Meanchey
USD 205,000.00
Villa For Sale
Chroy Changva,Russey Keo
USD 225,800.00

CVEA MEMBERS